غدر الـصاحـب....كدة خلانى, قرصة نكد

قرصة نكد

غدر الصاحب ... كده خلاني

غدر الصاحب كده خلاني ...

لحم أكلني وعضم رماني.
أنا ححكيلكم
شفت الصاحب لما يفنـِّن؟
قرص القرصة ونهزالفرصة
ووصف الوصفة بحبكة تجنن.
عشان حاسدك ... مرة ف حبك ..
مرة ف رزقك ... مرة فوِلْدك
قطف الزهر وزرع القهر
وعلى النار راح صب الزيت.
نكش العش وطار الطير
قلب حسود مليان بالدود
حرق العفش... وخرب البيت.

وأنت عبيط ولا عارف حاجة
ماشي وراه من غير تفكير. ولا عقلك قالك تدبير؟
تشكي مشاكلك ليه وهمومك
دانتا إن بحت بسرلصاحبك ..
زي ما تقلع وسط الزحمة الصبح هدومك.

أوعاك يوم ترتاح لفلان
تفتح قلبك دا المليان
تسمح ليه بدخول د ِبَّان
جوه ف بيتك وألا هاموش؟
يجرح سرك ميهموش ...تصبح مسخة في وسط الناس
احذر ليكون دا الخناس
تقضي حياتك ليه ندمان؟

أنا قلتها كدة بالمحسوس
أصل الخير له ف قلبي فانوس
مش كل اللي بيجري عليك
قال بيعزك يبقا صديق .
ييجي ف يوم يهرب ويسيبك وقت الحزن وساعة الضيق.
و لا كل اللي يعزك بقا مخلص
يمكن ندل جبان وخسيس.
ولا كل اللي يقولك دا حقيقي
يمكن قرْ وفشْر ومعـْر
ونقل كلام نمام وجاسوس.

احفظ حبك جوة ف قلبك... داري الشمعة عشان ما تقيد.
واكتم سرك ... وابلع همك
خبي دموعك حتى ولو كانت عناقيد.

أنا مش بكره حب الناس
أو بتمنـَّع من صداقتهم.
لكن ليا حدود وأساس.

أيوة أنا مخلص أوي لصحابي
و كمان وفي لهلي وخلاني
لكن غدر صديقي الخاين
فتـَّح عيني أوي وخلاني
أحلف إني ما طلع سري
ولا عيش الأحزان بإيديا
وأكتم حبي وفرحة قلبي.
وأعيش عمري سعيد متهنـِّي.
ولاحبكي ولا اشكي ولا أعاني.

غدر الصاحب كدة خلاني.

حرام والله
المفروض يسموك بالشاعر الشعبى
ويعملولك قسم خاص باالشعر الشعبى
تقبل مرورى
ودمت بكل خير
........ بحراوى........

بحراوى

ليك تحية كبيرة علشانك ** ياللى مالكش تانى فى زمانك

حبك عندى خلاص خلانى ** اشــــوف الدنيــــا بشكل تـــــانى

ولو اتكلمت على غدر الصحاب ** فأنا يا عمرى أمير العذاب

دمت بكل خيـــــــر

وتقبل مرورى

لا تحزن على غدر الزمان لطالمارقصت على جثث الاسود كلاب
ما قصدها تعلو على اسيادها تبقى الاسود اسود والكلاب كلاب